नांगोळे हे गाव कवठेमहांकाळ जत रस्त्यावर असून या गावाची स्थापना ०३/०३/१९५९ रोजी झाली. हे गाव तालुका कवठेमहांकाळ पासून ७ की.मी. अंतरावर तर जिल्हा सांगली पासून ६० की.मी. अंतरावर आहे. गावाचे एकूण भौगोलिक क्षेत्र १८९२.४७ हे. असून त्यामध्ये गावठाण व सार्वजनिक सुविधा खालील क्षेत्र ५.६० हे. असून शेती खाली एकूण क्षेत्र १८८६.८७ हे. एवढे आहे. सिंचनाखाली क्षेत्र ४७७ हे. आहे. गावातून मुख्य २ ओढे आहेत व गावात १ मोला पाणी साठवण तलाव असून सदर तलावामधून ७ गावांसाठी पिण्याचे पाण्याची प्रादेशिक योजना केलेली आहे.

गावातील बहूतेक नागरिकांचा व्यवसाय शेती, नोकरी व शेतीवर आधारीत व्यवसाय आहे. गावातील शेतीत मुख्य पिके द्राक्ष, ऊस, मक्का इ. पिके असून द्राक्षे व ऊस पिके मोठ्या प्रमाणात घेतली जातात. तसेच या गावची ओळख शेतकऱ्यांचा गांव, देवळांचा गांव, मेंढपाळांचा गांव, खेळाडुंचा गांव अशी आहेत.

गावात जि. प. ची इयत्ता १ ते ७ वी पर्यंत शाळा असून हायस्कुल चे शिक्षण इयत्ता ५ ते १० वी शिक्षण गावतच उपलब्ध आहे. सन २०११ च्या जनगणनेनुसार गावात एकूण कुटुंब संख्या ५४६ असून एकुण लोकसंख्या २५४५ आहे. यामध्ये पुरुष १२९७ तर स्त्रिया १२४८आहेत.